Франсия терма жамоаси бош мураббийи Зинедин Зидан Миллатлар лигасининг 4-турида Белгия устидан қозонилган 4:1 ҳисобидаги ғалаба ҳақида фикр билдирди.

"Биринчи голни уриб, ўйинга қайтиш муҳим эди. Бу бизга ташаббусни бироз ўз қўлимизга олиш имконини берди. Биринчи бўлимда ҳам ёмон ўйнаганимиз йўқ, аммо майдоннинг сўнгги учдан бир қисмида тезлик етишмади.

Ўйиннинг барча 90 дақиқасини ҳисобга олсак, ғалаба адолатли бўлди, деб ўйлайман. Иккинчи бўлимдаги ўйинимиз эса ҳақиқатан ҳам жуда яхши бўлди.

Ҳамма нарса ижобий кечмоқда. Қўлга киритган 10 очкомиз футболчилар билан олиб борилган иш ва уларнинг менталитети самараси бўлди. Бу ўйинчилар гуруҳи жуда аҳил. Улар билан ишлаш жуда ёқимли ва бу биз учун жуда ижобий ҳолат”, — деди Зидан.