"Манчестер Сити" бош мураббийи Энсо Мареска Чемпионлар лигасида ПСЖга қарши кечган ва 2:4 ҳисобидаги мағлубият билан якунланган учрашув ҳақида фикр билдирди.

"Шаҳарликлар" 32-дақиқага қадар жавобсиз учта гол ўтказиб юборди. Иккинчи бўлимда Эрлинг Ҳоланд дубл қайд этди, аммо парижликлар яна бир бор рақиб дарвозасини ишғол қилди.

"Ўйинни яхши бошлаган эдик, аммо аввал бир, бир дақиқадан кейин эса иккинчи голни ўтказиб юбордик. Бу ёқимсиз ҳолат бўлди. Иккинчи бўлимда анча яхши ўйнадик ва, эҳтимол, кўпроқ нарсага лойиқ эдик.

Ростини айтсам, бу ғалати ўйин бўлди. Танаффусда бир нечта ўзгартиш киритдик ва бу ёрдам берди. Учрашувдан кейин Луис Энрике бугун уларга омад кулиб боққанини айтди", — деди Мареска ТНТ Спортс нашрига.

Эслатиб ўтамиз, шанба куни "Манчестер Сити" АПЛ доирасида ўз майдонида "Ипсвич"ни қабул қилади.