"Manchester Siti" bosh murabbiyi Enso Mareska Chempionlar ligasida PSJga qarshi kechgan va 2:4 hisobidagi mag‘lubiyat bilan yakunlangan uchrashuv haqida fikr bildirdi.

"Shaharliklar" 32-daqiqaga qadar javobsiz uchta gol o‘tkazib yubordi. Ikkinchi bo‘limda Erling Holand dubl qayd etdi, ammo parijliklar yana bir bor raqib darvozasini ishg‘ol qildi.

"O‘yinni yaxshi boshlagan edik, ammo avval bir, bir daqiqadan keyin esa ikkinchi golni o‘tkazib yubordik. Bu yoqimsiz holat bo‘ldi. Ikkinchi bo‘limda ancha yaxshi o‘ynadik va, ehtimol, ko‘proq narsaga loyiq edik.

Rostini aytsam, bu g‘alati o‘yin bo‘ldi. Tanaffusda bir nechta o‘zgartish kiritdik va bu yordam berdi. Uchrashuvdan keyin Luis Enrike bugun ularga omad kulib boqqanini aytdi", — dedi Mareska TNT Sports nashriga.

Eslatib o‘tamiz, shanba kuni "Manchester Siti" APL doirasida o‘z maydonida "Ipsvich"ni qabul qiladi.