Жорже Жезуш Криштиану Роналду билан келишмовчиликлари сабаб мухлисларнинг унга билдирган салбий муносабати ҳақида гапирди.
"Португалиялик мухлисларнинг ҳуштакларини эшитмадим. Аммо энг муҳими, ҳатто ғалаба қозонган тақдиримизда ҳам шунча километр йўл босиб келган мухлисларни ҳурмат қилишдир. Сўнгги йилларда хорижда ишлаган мураббий сифатида Португалиядан ташқарида юрганингизда ўзингизни португалиялик эканингизни янада кучлироқ ҳис қиласиз. Шунинг учун бу туйғуга катта ҳурмат билан қарайман.
Ўйлайманки, Португалия жасур ғояларга асосланган етук ўйин намойиш этганидан барча хурсанд. Мураббий ҳаётида бизга ишонч берадиган ягона нарса — ғалаба".
— Мамлакат сиз томонда, деб ҳисоблайсизми?
— Билмайман. Шундай бўлишини истардим, — деди Жезуш.
